إجـعـل قـرائـتـك مـن شـاشـة الـكـمـبـيـوتـر افـضـل بـخـطـوات بـسـيـطـة

طبعا اضرار شاشة الكمبيوتر و كتر النظر ليها معروفه .. ازاى بقى تقدر تقلل من الاضرار دى و تظبط شاشتك بحيث انك تقدر تقعد فترات طويلة تقرا المقالات و الكتب اللى انت عاوزها بأقل مجهود و اقل تعب.

1- قلل السطوع بتاع الشاشة او الـ Brightness فتقلل اضاءة الشاشة على قد ما تقدر و تقلل كل الضوء المباشر اللى داخل عينيك , هتحس ان الشاشة بقت اهدى بكتير .

2- غير الوان الشاشة للون المناسب للقراءة و هو اللون الاصفر , اللون الاصفر بيخلى الشاشة أكثر دفئا ... تعب العين في الحالة دى بيكون بسبب اختلاف شدة و لون الضوء فى الليل و النهار و ثبات الضوء في شاشة الكمبيوتر عندك فيسبب تعب في القراءة خاصة فى الليل ...

إستخدام برنامج F.lux هيغير الوان الشاشة تلقائيا طول اليوم ما بين الابيض و الاصفر فى الاول هتحس ان اللون غريب بس بعد لما تتعود عليه هترتاح جدا و مش هتقدر تسيبه .. 

موقع البرنامج http://justgetflux.com/

3- حسن القارئ اللى بتستخدمه .. لو بتقرا مقالات من النت هتحتاج برنامج يخفي كل الاعلانات و العلامات الغريبة في الصفحة و يركز على النص فقط 

برنامج iReader ده browser extension يعنى بينزل على المتصفح اللى بتستخدمه سواء كان Chrome او Firefox بيلغى كل الزيادات في الصفحة و يركز على النص بس ...

ضيف ده اذا كنت بتستخدم Chrome

https://chrome.google.com/webstore/detail/ireader/ppelffpjgkifjfgnbaaldcehkpajlmbc

و ده اذا كنت من مستخدمي Firefox

https://addons.mozilla.org/en-US/firefox/addon/ireader/

ليها وظيفة مشابهة للاضافة السابقة  (Evernote Clearly) 

- 4

 لكن من خلالها ممكن تغير حجم الخط و تغير لون الصفحة و الخط و ممكن تعكس لون الخط بحيث الصفحة كلها تكون اسود و الخط ابيض و العكس طبعا ... و ليه خصائص تانيه جميله جدا بعضها مجاني و بعضها بحساب مدفوع 

الاضافة لـChrome 

https://chrome.google.com/webstore/detail/clearly/iooicodkiihhpojmmeghjclgihfjdjhj

الاضافة لـ Firefox

https://addons.mozilla.org/en-US/firefox/addon/clearly/

موقع البرنامج

http://evernote.com/

5- كبر الخط زي ما تحب علشان تقرا و انت مرتاح ... ممكن تكبر اى صفحة في المتصفح بتاعك عن طريق الضغط على ctrl و معاها علامة plus او +

 يعني  و طبعا ممكن تصغره بنفس الطريقة مع السالب

6- استخدام مصباح الطاولة او table lamp افضل كتير من استخدام المصابيح المعلقة فوق الكمبيوتر .

7- تجنب وجود شباك مقابل لشاشة الكمبيوتر او على الافل شباك مفتوح او وجود اى مصدر ضوئى مقابل شاشة الكمبيوتر لمنع انعكاس الضوء على الشاشة .

8- لو لقيت حاجه عاوز تقراها و مفيش وقت ممكن تضيفها عندك في المفضلات او الـ Bookmarks و ترجع تقراها بعدين اذا كنت بتستخدم نفس الكمبيوتر دايما و الا ممكن تستخدم اى اضافة او موقع بيحفظ المفضلات بتعتك عليه بحيث انك ممكن تفتحها في اى مكان ..

زي الموقعين دول

http://www.instapaper.com/

http://getpocket.com/

او اذا كنت بتستخدم Chrome ممكن تربط حساب Gmail بتاعك بالمتصفح بحيث ان اى حاجة تضيفها تكون موجوده على الحساب نفسة و ممكن تفتحها من اى مكان.